Skjár 1 er íslensk sjónvarpsrás sem kom fyrst fyrir sjónir landsmanna þann 16 október árið 1998.

Dagskrárstefna Skjás 1 er að sýna kvikmyndir með íslenskum texta í línulegri miðlun á föstum sýningartímum. Auk kvikmynda sýnir stöðin „retró“ sjónvarpsþætti sem uppfyllingu á milli dagskráratriða. Skjár 1 sérhæfir sig í eldri kvikmyndum sem sýndar voru í kvikmyndahúsum landsins á sjötta, sjöunda & áttunda áratug síðustu aldar og er í dag eina sérhæfða kvikmyndastöð landsins. Því notast Skjár 1 eingöngu við íslensk heiti á dagskrárliðum sínum og birtast margar kvikmyndir í sýningu með sömu heitum og þær fengu við frumsýningu í kvikmyndahúsunum.

Skjár 1 miðlar efni sínu um streymi, ios öppum fyrir Appel tv, iphone & ipad auk Android fyrir sjónvörp, síma og spjaldtölvur. Streymistæknin sem Skjár 1 notast við er sambærileg við þá sem streymisveitur samtímans notast við til að geta miðlað efni hnökralaust yfir ip fjarskipti þó margir séu að horfa á samtímastraum. Notast er við s.k. „content delivery network“ streymiskerfi.

Sjónvarpsrásin Skjár 1 er starfrækt af Íslenska Sjónvarpsfélaginu sem stofnað var þann 5 nóvember 1986 og telst því vera eitt elsta starfandi efnisréttar fyrirtæki landsins, en félagið var eitt af fyrstu VHS myndbandaútgefendum landsins, auk þess að starfrækja fjölda myndbandaleiga. Íslenska Sjónvarpsfélagið hefur einnig stofnað Stöð 1 árið 2011 sem var fyrst íslenska sjónvarpsstöðva til að hefja dreifingu á internetinu og vod leiguna Filmflex sem starfrækti netleigu.

Skjár 1 er „OPIN & ÓKEYPIS“ þar sem við innheimtum ekki áskriftargjald fyrir dagskránna okkar. Þá er heldur ekki innheimt áskriftargjald fyrir “öppin” sem eru í boði.

Við tilkynnum um allar nýjungar og bilanir hér á Facebook